In dialeto

Parché scrivo in dialeto…?
Dante, Petrarca e quel dai Diese Giorni
Gà pur scrito in toscan.

Seguo l’esempio.

[Giacomo Noventa, Versi e poesie, Venezia, Marsilio 1986, p. 84]

(Strambotto per un’amica incerta)

Se, pensando a mì, ti pensi
Quel che mì penso de tì,
Pensa quanti controsensi
Se risolve dentro un sì!

[Giacomo Noventa, Se, pensando a mì (Strambotto per un’amica incerta), in Versi e poesie, Venezia, Marsilio 1988, p. 99]

Una dedica

Te mando un libro e un fior:
Son tuto mi – nel libro,
Tuto par tì – nel fior.

[Giacomo Noventa, in Noventa. Eretico del Novecento, Quaderni della Fondazione Micheletti 10-1999, Brescia, Promodis Italia 1999, p. 46, immagine di Timofej Kostin]

Parché

Parché scrivo in dialeto…?
Dante, Petrarca e quel dai Diese Giorni
Gà pur scrito in toscan.

Seguo l’esempio.

[Giacomo Noventa, Versi e poesie, Venezia, Marsilio 1986, p. 84]

Ermetico

Fusse un poeta…
Ermetico,
Parlarìa de l’Eterno:
De la coscienza in mi,
De le stele su mi,
E del mar che voleva e no’ voleva
(Ah, canagia d’un mar!)
Darme le so parole.

Ma son…
(Parché no’ dirlo?)
Son un poeta.

E ti ghe gèri tì ne la me barca.

E le stele su nù ghe sarà stàe,
E la coscienza in nù,
E le onde se sarà messe a parlar,
Ma ti-ghe-géri tì ne la me barca,
(E gèra fermi i remi).
In mezo al mar.

[Giacomo Noventa, Fusse un poeta…, cit. in: Franco Loi, Noventa, la poesia la poetica, il sacro, in: Noventa eretico del Novecento, Brescia, Quaderni della fondazione Micheletti 10-1999, pag. 25]

Dialeto

Parché scrivo in dialeto…?
Dante, Petrarca e quel dai Diese Giorni
Gà pur scrito in toscan.

Seguo l’esempio.

[Giacomo Noventa, Versi e poesie, Venezia, Marsilio 1986, p. 84]